INCONTROL PROTECT: ЖИІ ҚОЙЫЛАТЫН СҰРАҚТАР

InControl Protect келесі қосылған функциялардан тұрады: қауіпсіздік жастықтары ашылған немесе автокөлік аударылған кезде автоматты түрде басталатын төтенше қызметтерді шақыру. Бұл жағдайларда автокөлік автоматты түрде шұғыл әрекет ету орталығына сигнал береді, орталық Сізге тиісті шұғыл көмек қызметін жібереді. Жолаушы төбе консолінің оң жағында орналасқан төтенше қызметтерді шақыру түймесін басу арқылы шұғыл көмек қызметіне қоңырауды қолмен жасай алады. Land Rover Assistance оңтайландырылған жол үстіндегі көмек қызметі: бұзылған жағдайда автокөлікте орналасқан Land Rover Assistance оңтайландырылған жол үстіндегі көмек қызметінің түймесін басуыңызға болады. Кешігу мүмкіндігін барынша азайту үшін жерсеріктік позициялау жүйесінің көмегімен Сіздің орналасқан жеріңіз автоматты түрде анықталады және Сіздің автокөлігіңіздің күйі туралы ақпараты бар деректер жол үстіндегі көмек қызметіне жіберіледі. Land Rover Assistance оңтайландырылған жол үстіндегі көмек қызметін шақыруды сондай-ақ смартфонға арналған Remote қолданбасын немесе стационарлық телефонды қолдану арқылы жасауға болады. (GPS бойынша автокөліктің орналасқан жері туралы мәліметтер Land Rover Assistance оңтайландырылған жол үстіндегі көмек қызметін шақыру автокөліктегі түймені басу арқылы орындалған жағдайда ғана жіберіледі). Смартфонға арналған InControl Remote қолданбасы: қашықта тұрып сапарға дайындалуға (отын деңгейін және жүріс қорын тексеруге) мүмкіндік береді, толып тұрған тұрақжайда автокөлікті табуға көмектеседі, сондай-ақ есіктер мен терезелердің күйін тексеруге мүмкіндік береді. Сондай-ақ, мысалы, іссапардағы шығындарыңызды растау үшін сапарлар туралы деректерді жүктеуіңізге болады.

Сізге төтенше қызметтердің көмегі қажет болатын төтенше жағдайда төбе консолінің оң жағында орналасқан түйменің қақпағын басу және жіберу қажет. Содан кейін төтенше шақыруды орындау үшін түймені 2 секунд бойы басып тұрыңыз (басқан кезде түймеде сары түсті индикатор қосылады). Егер шұғыл көмек қызметінің қызметкерінің дауысын естісеңіз, бұл шақырудың орындалғанын білдіреді. Қоңырау аяқталғаннан кейін түймедегі индикатор қайтадан қызыл түске өзгереді. Қолданып болғаннан кейін түймелерді бастапқы күйге қайтарыңыз. ЕСКЕРТПЕ: соқтығысқан немесе қауіпсіздік жастықтары іске қосылған жағдайда төтенше шақыру автоматты түрде жасалады.

Төтенше қызметтерді шақыру қауіпсіздік жастықтарының ашылуы немесе соқтығысу тіркелген жағдайда автоматты түрде басталады. Бұл жағдайда қосымша әрекеттер жасау қажет емес. Төтенше шақыруды қолмен жүзеге асыру үшін төбе консолінде орналасқан тиісті түймені басу қажет.

Жоқ. Байланыс арнайы осыған қарастырылған бөлек SIM-картаның көмегімен орнатылады.

Бұл функция клиент InControl сервистерін қосқан елде қолжетімді болады.

Автокөлік бірнеше рет байланыс орнатуға әрекет жасайды, алайда желі сигналы жоқ болса және шақыру орындалмаса, түймедегі индикатор жыпылықтауын доғарады және қызыл түспен жанады.

Бұл жағдайда Сіз шақыруды бастайсыз. Байланыс орнатылған сәтте шұғыл көмек қызметінің қызметкеріне қоңыраудың кездейсоқ жасалғанын хабарлаңыз, олай етпеген жағдайда басы артық қаржылай шығын шегуіңіз мүмкін.

Бұзылған жағдайда төбе консолінің сол жағында орналасқан түйменің қақпағын басып, жіберіңіз. Содан кейін Land Rover Assistance жол үстіндегі көмек қызметімен тегін байланысу үшін түймені 2 секунд бойы басып тұрыңыз (басқан кезде түймеде сары түсті индикатор жыпылықтай бастайды). Егер Land Rover Assistance жол үстіндегі көмек қызметінің қызметкерінің дауысын естісеңіз, шақырудың орындалғаны. Автокөліктің орналасқан жері туралы ақпарат автоматты түрде Land Rover Assistance жол үстіндегі көмек қызметіне жіберіледі, қызметтің мамандары туындаған қиындықтарды шешуге және қажет болса, Сіздің автокөлігіңіз орналасқан жерге техникалық қызмет мамандарын жіберуге тырысады. Қолданып болғаннан кейін түймелерді бастапқы күйге қайтарыңыз.

Жоқ. Байланыс арнайы осыған қарастырылған бөлек SIM-картаның көмегімен орнатылады.

Land Rover Assistance оңтайландырылған жол үстіндегі көмек қызметтерін пайдаланушылық келісімге кіргізілген кез келген елде пайдалануыңызға болады. Егер шетелде болсаңыз, онда Сіздің қоңырауыңыз өз еліңіздің қызметтеріне қайта бағытталады, олар автокөлігіңіз орналасқан жерге көмек жібереді.

Бұл жағдайда Сіз шақыруды бастайсыз. Байланыс орнатылған сәтте қызметтің қызметкеріне қоңыраудың кездейсоқ жасалғанын хабарлау қажет. Олай етпеген жағдайда артық қаржылай шығындар шегуіңіз мүмкін.

InControl Protect пакетіне кіргізілген Land Rover Assistance оңтайландырылған жол үстіндегі көмек қызметінің өзі техникалық қолдау қызметтерін көрсетпейді, жай ғана жазылу бойынша қызметтердің жеткізушісі болып табылады. Жазылу мерзімі аяқталғаннан кейін Land Rover Assistance оңтайландырылған жол үстіндегі көмек қызметін шақыру түймесінің көмегімен бұрынғыша Land Rover байланыс орталығымен байланысуға бола береді, алайда көрсетілген қызметтер үшін төлемақы алынуы мүмкін.

«Сапарлар» функциясы жасалған сапарлар туралы ақпаратты жазуға, сақтауға және экспорттауға мүмкіндік береді. Сапардың бағдарын сақтау автокөлік 1 км-ден ұзақ жол жүргеннен және артынан қозғалтқышты өшіргеннен кейін жүзеге асады. Бағдарды картадан қарап көруге болады. Сондай-ақ жүріп өткен қашықтық, отын шығыны, сапардың уақыты және орташа жылдамдық туралы ақпарат алуға болады. Сапарлар туралы ақпаратты қарап көруге, өшіруге немесе шығыстарды есепке алу үшін Excel форматында экспорттауға болады. «Сапарлар» функциясын смартфонға арналған InControl Remote қолданбасының немесе My Land Rover InControl сайтының көмегімен басқаруға болады. InControl есептік жазбасын жасау кезінде қалаулы параметрлерді таңдау ұсынылатын болады. «Сапарлар» функциясын толықтай өшіріп қоюыңызға болады. ЕСКЕРТПЕ: «Сапарлар» функциясын қосқаннан кейін смартфонға арналған InControl Remote қолданбасының немесе My Land Rover InControl сайтының көмегімен сапарларды ішінара немесе толық өшіруіңізге болады.

«Сапарлар» функциясын смартфонға арналған InControl Remote қолданбасының немесе My Land Rover InControl сайтының көмегімен қосуға немесе өшіруге болады. Функцияның күйін қарап көру немесе өзгерту үшін смартфонға арналған InControl Remote қолданбасынан немесе My Land Rover InControl сайтынан «Автокөлік баптаулары» мәзіріне өтіңіз. «Сапарлар» функциясын қосу үшін «Қосу» параметрін, ал өшіру үшін — «Өшіру» параметрін таңдаңыз. Осыдан кейін PIN-код енгізу және өзгертулерді сақтау қажет болады.

Автокөліктің орналасқан жерін тек төтенше қызметтерді немесе Land Rover Assistance оңтайландырылған жол үстіндегі көмек қызметін шақыруды іске қосқаннан кейін ғана іздеп табуға болады. Мұндай жағдайларда автокөліктің орналасқан жері туралы ақпарат апаттық және техникалық қызметтерге автоматты түрде жіберіледі.

Смартфонға арналған Land Rover InControl Remote қолданбасын Google Play немесе Apple App дүкендерінен жүктеп алуға болады. Сондай-ақ шынайы автокөлікті қолдану қажеттілігінсіз қолданбаның негізгі функцияларын үйренуге мүмкіндік беретін таныстыру режимі қолжетімді.

Смартфонға арналған InControl Remote қолданбасы 4.1 нұсқасынан бастап Android ОЖ бар құрылғылармен (мысалы, Samsung Galaxy S4 және HTC ONE M8), сондай-ақ IOS 6.0 нұсқасынан басталатын Apple құрылғыларымен (мысалы, iPhone 4S және одан кейінгі модельдер) үйлесімді.

Қызметтерге жазылуды рәсімдегеннен кейін Сізден смартфонға арналған InControl Remote қолданбасының көмегімен өзіңіздің ұялы байланыс операторыңыздың тарифтеріне сәйкес деректердің жіберілуі (қоңырау шалу немесе басқа да тәсілдер арқылы) үшін төлемақы алынады.

Иә. Қолданбаны бірнеше құрылғыға жүктеп алуға болады. Барлық құрылғыларда бір ғана пайдаланушының есімі мен құпия сөзді қолданатыныңызға назар аударыңыз.

Смартфонға арналған InControl Remote қолданбасы отын деңгейі секілді автокөлік туралы, сондай-ақ іске қосылған жағдайда аспаптар тақтасындағы белгілі хабарламалар (мысалы, шиналардағы қысымға немесе сұйықтықтардың деңгейіне қатысты) туралы маңызды ақпаратқа қолжетімділік ұсынады. Remote Premium жазылу түрі болған жағдайда Сізде автокөлікпен қашықтықтан әрекет жасау мүмкіндігі болады.