Италия Қызыл Кресінің бригадасы Defender автокөліктерін суық әрі ылғал қыста пайдаланды, ол кезде Covid-19 таралуынан туындаған оқшаулау Римдегі үйсіз жандардың өмірін одан бетер қиындатып жіберді.
Италия Қызыл Кресінің Defender 110 автокөлігімен жүрген команда мүшелері ыстық тамақты, жылы киімдер мен дәрі-дәрмекті тиеп алып, қажетті көмек көрсетуге дайын болды. Қала аралап жүріп, олар көшелерді және дүкендердің есік алдын паналап жүрген адамдарға қол ұшын созды.
Римдегі үйсіз жандарға көмек көрсету — Қызыл Крестің жергілікті бригадаларының бүкіл әлемдегі пандемия кезінде Defender автокөліктерін пайдалануының бір ғана мысалы.
Дағдарыс кезінде үш континенттің шабыттандырушы гуманистері табиғи апаттармен, коронавирусқа байланысты шектеулермен күресіп, жедел медициналық жәрдем көрсетті.
Австралия Қызыл Кресінің өкілдері алапат орман өртінен кейін қалпына келтіру бағдарламасы шеңберінде 36 000-нан адамға қолдау көрсетті. Defender автокөліктерін пайдаланып, олар оқу-жаттығу өткізіп, адамдарды келешектегі төтенше жағдайларға дайындады және пандемия кезінде қонақүйлердегі міндетті карантинде болған адамдарға психологиялық қолдау көрсетті.
Мексика Қызыл Кресінің бригадалары шұғыл көмек көрсететін қызметтерден қашықта тұратын оқшауланған қоғамдастықтарға қажетті тренингілер өткізді. Еріктілер мен қызметкерлер күн сайын күрделі аймақтарда 400 км жүріп өтіп, алғашқы көмек көрсетуге арналған маңызды білім мен жабдықтарды таратып шықты.
Ұлыбританияда Defender автокөліктері пандемия кезінде шалғай елді мекендерде оқшауланған отбасыларға тамақты қораппен жеткізіп отырды. Оған қоса, олар материктік Шотландиядан жеке қорғаныс құралдарын жеткізу және жалпыұлттық вакцинациялауға көмектесу үшін пайдаланылды.
Осы уақыт ішінде Қызыл Крест бригадалары бүкіл Ұлыбритания бойынша өрт, су тасқыны және қысқы дүлей боран сияқты төтенше жағдайларға әрекет етуін тоқтатпады.
Бүкіл әлемдегі Covid-19-бен күресу үшін Jaguar Land Rover компаниясы Defender автокөлігінің 267 бірлігін және басқа да көлік құралдарын ұсынды.
ЖАҢА ДҮНИЕМЕН ТАНЫСЫҢЫЗ
DEFENDER 110
