LAND ROVER СЕРВИСТІК ҚЫЗМЕТ КӨРСЕТУІ

Land Rover дилеріне хабарласқаннан кейін сіз бірден жоғары білікті және жақсы оқытылған мамандардың қолына тап боласыз. Біздің техникалық қызмет көрсету бойынша мамандарымыз SUV көлігіне және ең заманауи Land Rover диагностикалық жабдықтарын қолдануға маманданған кәсіби шеберлер болып табылады. Олар Land Rover автокөлігіңіздің күйін бағалайды және арнайы әзірленген құрал-саймандардың көмегімен қажетті жөндеу жұмысын жүргізіп береді. Ал жөндеу қажет болса, біз әрдайым тек Land Rover түпнұсқа қосалқы бөлшектерін қолданамыз.

Тек сіз, сіздің Land Rover көлігіңіз және жол ғана бар жағдайларда автокөлігіңіздің мінсіз күйіне сенімділікті сақтау маңызды. Дәл сол себепті сервистік қызмет көрсету соншалықты маңызға ие болады. Бекітілген бағалар бойынша ұсынылатын Land Rover сервистік қызмет көрсету жоспарлары таңдалған жоспардың бүкіл әрекет ету мерзімінің ішінде қызмет көрсетудің шығыстарын өтейді және автокөлігіңіздің әрдайым жоғары білікті мамандардың бақылауында болуын кепілдендіреді. Қосымша ақпарат алу үшін Land Rover дилеріне хабарласыңыз.

Land Rover жолдағы көмек бағдарламасы тіпті автокөлігіңіз қандай да бір себепке байланысты тоқтап қалса да, жол үстінде толық тыныштықты кепілдендіреді. Шинаның тесілуі, бұзылу немесе апат — қандай жағдай болса да, біз көмекке келеміз. Бағдарлама Land Rover автокөлігіңіздің стандартты және кеңейтілген кепілдігінің бүкіл мерзімінің барысында әрекет етеді. Тәжірибелі және елгезек қызметкерлер жұмыс істейтін Land Rover жолдағы көмек ақпарат орталығы жылына 365 күн тәулігіне 24 сағат бойы қолжетімді.

^{* Әртүрлі нарықтардағы шарттар әртүрлі болуы мүмкін, толық ақпарат алу үшін өз дилеріңізге хабарласыңыз.}

Сіздің тыныштығыңыз үшін біз әлеуетті ықтималдығы бар өндірістік кемшіліктермен байланысты барлық жөндеу жұмыстарын өтейтін стандартты 5 жылдық кешенді кепілдік ұсынамыз. Осылайша Land Rover автокөлігіңіз әрдайым ең сенімді қолдардың қамқорлығында болады. Сонымен бірге Land Rover маркасы автокөлікке иелік ету құнын төмендетуге мүмкіндік беретін және сіз күтетін барлық кепілдіктерді қамтамасыз ететін кеңейтілген кепілдікті де ұсынады. Land Rover кеңейтілген кепілдігін сатып алу туралы толық ақпарат өзіңіздің Land Rover дилеріңізде қолжетімді.

Land Rover Total Care қолданбасы — бұл ішінде қажеттінің бәрі бар тәулік бойы жұмыс істейтін дүкен. Техникалық көмек қызметіне жүгіну, GPS-навигация жүйесіне арналған ақпарат, жаңа керек-жарақтарды, жақын жердегі шоурумды іздеу немесе сервистік қызмет көрсетуге жазылу — осының бәрін жай ғана түймелерді басу арқылы Land Rover автокөлігінің Land Rover Care App MENA қолданбасында жасауға болады. Автокөлікке иелік етуден көбірек ләззат алу үшін тегін қолданбаны жүктеп алыңыз. Google Play және iTunes App Store дүкендерінде қолжетімді.

Сіздің автокөлігіңізге қызмет көрсету тарихы нақты уақыт режимінде қолжетімді, қорғалған деректер базасында сақталатын және жаңартылып отыратын болады. Бұл сату алдындағы қарап тексеруге, сервиске барлық жоспарлы келулерге, ілеспе қызметтерге және шанақты қарап тексерулерге қатысты.