Қызыл Крест бригадалары мен Land Rover Defender Солтүстік Уэльсте шынайы қызметте, олар Сноудония аймағының таулары, Ллин түбегі және Англси аралы сияқты жету қиын елді мекендердегі адамдарға көмектесіп жүр.
Қайта жабдықталған Defender 130 автокөлігін Jaguar Land Rover компаниясы Британия Қызыл Кресіне Аса мәртебелі патшайым II Елизаветаның басқару кезеңінің платина мерейтойын атап өту құрметіне сыйлады.
Патшайым 70 жыл бойы қамқоршысы болған Британия Қызыл Кресімен ынтымақтастық аясында осы Defender 130 автокөлігі JLR компаниясының салтанат туралы заманауи түсініктерін ескере отырып бейімделген және оған байланысқа арналған ең заманауи жабдық орнатылған.
Оның 4G желілеріне қосылу мүмкіндігі бар жетілдірілген антеннасы кез келген жерде сенімді әрі күшті сигналды қабылдауға мүмкіндік береді — бұл әсіресе Уэльс жағалауында және оның таулы аймағында және шалғай елді мекендерде өте маңызды.
Оның ішіне телефон, УҚТ радиостанция және GPS бақылауы бар модернизацияланған телематикалық жүйелер орнатылған. Шатырында орналасқан күн энергиясын қабылдау қондырғысы қозғалтқыш өшіп тұрғанда керек-жараққа қуат беретін қосымша батареяны қуаттайды.
Кіріктірілген тартпалар жүйесі бригадаларға көрпе-төсек, азық-түлік және алғашқы көмек көрсету құралдарын алып жүруге мүмкіндік береді. Бойлер бар болғандықтан, команда шай демдей алады.
ЖАҢА ДҮНИЕМЕН ТАНЫСЫҢЫЗ
